మోయినాబాద్‌లో రాహుల్ గాంధీ జన్మదిన వేడుకలు

హైదరాబాద్ శివార్లలోని మోయినాబాద్ మండలంలో కాంగ్రెస్ పార్టీ నాయకులు లోక్సభ ప్రతిపక్ష నేత రాహుల్ గాంధీ జన్మదిన వేడుకలను నిర్వహించారు. ఈ సందర్భంగా కేక్ కట్ చేసి ఆయనకు శుభాకాంక్షలు తెలిపారు.

టీపీసీసీ అధికార ప్రతినిధి గౌరీ సతీష్ మాట్లాడుతూ, ప్రజాస్వామ్యాన్ని దెబ్బతీస్తున్న ఎన్డీఏ ప్రభుత్వానికి బుద్ధి చెప్పాలంటే రాహుల్ గాంధీ ప్రధాని కావాల్సిన అవసరం ఉందని అన్నారు. ఆయన నిస్వార్థపరుడని, త్యాగమూర్తి అని ప్రశంసించారు. రాహుల్ గాంధీ ఆయురారోగ్యాలతో నిండు నూరేళ్లు జీవించాలని ఆకాంక్షించారు.

మోయినాబాద్ మండలంలోని కాంగ్రెస్ కార్యకర్తలు, నాయకులు ఈ వేడుకల్లో పెద్ద సంఖ్యలో పాల్గొన్నారు. 'రాహుల్ గాంధీ జిందాబాద్' నినాదాలు చేశారు.