రాజమౌళి కెరీర్‌ను మలుపు తిప్పిన రెండు సినిమాలు వెల్లడి

దర్శకుడు ఎస్ఎస్ రాజమౌళి తన సినీ కెరీర్‌ను మలుపు తిప్పిన రెండు సినిమాలను వెల్లడించారు. ఆయన ప్రకారం సింహాద్రి, మగధీర చిత్రాలు తన దర్శకత్వ ప్రయాణంలో కీలకమైనవి.

రాజమౌళి తన రెండవ సినిమా సింహాద్రి గురించి మాట్లాడుతూ, ఎన్టీఆర్ నటించిన ఈ చిత్రం తనకు మాస్ డైరెక్టర్‌గా గుర్తింపు తెచ్చిందని, పెద్ద స్థాయి విజయం సాధించిందని చెప్పారు. ఆ తర్వాత రామ్ చరణ్ హీరోగా వచ్చిన మగధీర సినిమా తీయడానికి తనకు రెండేళ్లు పట్టింది. ఈ చిత్రం సాధించిన ఘన విజయం, తదుపరి పెద్ద ప్రాజెక్టులు చేయడానికి కావాల్సిన విశ్వాసం ఇచ్చిందని ఆయన తెలిపారు.

యాక్షన్ సినిమాలపై తన ఆసక్తి గురించి రాజమౌళి మాట్లాడుతూ, ‘నిజ జీవితంలో చూసే సాధారణ విషయాలు తెరపై మళ్ళీ చూడటం నాకు ఇష్టం లేదు. థియేటర్‌కు వెళ్ళినప్పుడు వాస్తవానికి పూర్తి అతీతమైన కొత్త లోకాన్ని చూడాలనుకుంటాను. అందుకే ఫ్యాంటసీ ధోరణి ఉండే యాక్షన్ సినిమాలే తీస్తాను’ అని వివరించారు.