దసరాకు రజినీకాంత్, ధనుష్ సినిమాల మధ్య పోటీ

దసరా సీజన్లో తమిళ చిత్రసీమలో పెద్ద బాక్సాఫీస్ పోటీ నెలకొననుంది. నటుడు రజినీకాంత్ ‘జైలర్ 2’ చిత్రాన్ని అక్టోబర్ 15న విడుదల చేస్తుండగా, నటుడు ధనుష్ ‘ఓం చాప్టర్ వన్’ చిత్రం అక్టోబర్ 16న ప్రేక్షకుల ముందుకు రానుంది.

‘జైలర్ 2’ సినిమాకు నెల్సన్ దిలీప్ కుమార్ దర్శకత్వం వహిస్తున్నారు. ఈ చిత్రంలో బాలీవుడ్ నటుడు హృతిక్ రోషన్ క్యామియో పాత్రలో కనిపించనున్నారు. మోహన్లాల్, శివరాజ్ కుమార్ సహా పలువురు స్టార్ నటులు నటించనున్నట్లు సమాచారం.

మరోవైపు ‘ఓం’ సినిమాకు ‘అమరన్’ ఫేమ్ రాజ్కుమార్ పెరియస్వామి దర్శకుడు. ఇందులో సాయి పల్లవి, శ్రీలీల హీరోయిన్లుగా నటిస్తున్నారు. మమ్ముట్టి కీలక పాత్ర పోషిస్తున్నారు.

దసరా వేళ రజినీకాంత్ సినిమా వస్తోందని తెలిసినా ధనుష్ తన సినిమాను వాయిదా వేయడానికి ప్రయత్నించినట్లు తెలుస్తోంది. అయితే, ఓటీటీ సంస్థతో కుదిరిన స్ట్రీమింగ్ డీల్ కారణంగా వాయిదా వేయలేకపోయినట్లు సమాచారం. ఈ కారణంగా ధనుష్ తప్పనిసరి పరిస్థితుల్లో ‘ఓం’ సినిమాను అనుకున్న తేదీనే విడుదల చేస్తున్నారు.