విజయ్ CM అవడంపై రజినీకాంత్ స్పందన — నెగెటివ్ ప్రచారాన్ని తోసిపుచ్చారు

నటుడు విజయ్ తమిళనాడు ముఖ్యమంత్రి అయిన నేపథ్యంలో రజినీకాంత్‌పై సోషల్ మీడియాలో ట్రోలింగ్ జరిగింది. విజయ్‌ను CM కాకుండా అడ్డుకునేందుకే రజినీకాంత్ CM స్టాలిన్‌ను కలిశారని కొందరు ప్రచారం చేశారు.

ఈ ఆరోపణలను రజినీకాంత్ తిరస్కరించారు. స్టాలిన్ తన మంచి స్నేహితుడని, ఆయనను పరామర్శించేందుకు మాత్రమే కలిశానని రజినీకాంత్ చెప్పారు. విజయ్‌ను CM కాకుండా అడ్డుకోవాలని తాను ఏమాత్రం అనుకోలేదని స్పష్టంగా చెప్పారు.

విజయ్‌కు తనకు 25 ఏళ్ల వ్యత్యాసం ఉందని, తాను విజయ్‌తో పోల్చుకోవడం లేదని రజినీకాంత్ పేర్కొన్నారు. విజయ్ CM అయ్యారని తెలిసి ఆశ్చర్యపోయానని, సంతోషపడ్డానని చెప్పారు. కమలహాసన్ CM అయితే అసూయ పడతానని కామెంట్ చేశారు.

తమిళనాడు ప్రజలు మార్పు కోరుకున్నారు కాబట్టే విజయ్‌ను గెలిపించారని రజినీకాంత్ అన్నారు. 2021లో పార్టీ పెట్టి ఉంటే తాను గెలిచేవాడినని కూడా చెప్పారు. ప్రస్తుతం రాజకీయాలతో తనకు సంబంధం లేదని స్పష్టం చేశారు.