విజయ్ CM అయినందుకు అసూయ లేదు — రజినీకాంత్

నటుడు విజయ్ తమిళనాడు ముఖ్యమంత్రి అయిన తర్వాత తనపై వచ్చిన విమర్శలపై నటుడు రజినీకాంత్ మొదటిసారి స్పందించారు. విజయ్ CM అయినందుకు తనకు అసూయ లేదని స్పష్టంగా చెప్పారు.

ఎన్నికల ఫలితాల తర్వాత రజినీకాంత్ స్టాలిన్‌ను కలవడంపై విమర్శలు వచ్చాయి. స్టాలిన్‌తో తన స్నేహం రాజకీయాలకు అతీతమైందని రజినీకాంత్ చెప్పారు. కలతూరులో స్టాలిన్ ఓడిపోవడం బాధ కలిగించిందని, అందుకే కలిసి మాట్లాడారని తెలిపారు.

DMK, AIADMK రెండు పార్టీలను, BJP ని కూడా ఎదిరించి విజయ్ గెలవడం సంతోషంగా ఉందని రజినీకాంత్ అన్నారు. విజయ్ మంచి పరిపాలన అందిస్తారని ఆశిస్తున్నట్లు చెప్పారు. TVK పార్టీ కార్యకర్తలు, అభిమానులు చిన్న తప్పు చేసినా విజయ్ పై ప్రభావం పడుతుందని, జాగ్రత్తగా ఉండాలని సూచించారు.

తమిళనాడు రాజకీయ ప్రమాణ స్వీకారాలకు తాను ఎప్పుడూ హాజరు కాలేదని రజినీకాంత్ చెప్పారు. జయలలిత ప్రమాణ స్వీకారానికి ఆమె కోరిక మేరకు మాత్రమే హాజరయ్యానని తెలిపారు. DMK, AIADMK కలిపి తనను CM చేయాలని చర్చలు జరిగాయన్న వార్తలను కూడా తాను తిరస్కరించారు.

విజయ్‌కు తనకు దాదాపు 28 సంవత్సరాల వయసు తేడా ఉందని, తాను రాజకీయాల్లో రాననని ముందే ప్రకటించానని రజినీకాంత్ గుర్తు చేశారు. 2021లో తాను రాజకీయాల్లోకి వచ్చి ఉంటే మంచి మెజారిటీతో గెలిచేవాడినని కూడా అన్నారు.