రామాయణంలో సూర్పణక పాత్రపై రకుల్ ప్రీత్ సింగ్ స్పష్టత

నటి రకుల్ ప్రీత్ సింగ్ దర్శకుడు నితీష్ తివారి 'రామాయణ' సినిమాలో సూర్పణక పాత్రలో నటిస్తున్నారు. ఈ పాత్ర ఎంపికపై ఆమె ఓ ఇంటర్వ్యూలో స్పష్టత ఇచ్చారు.

సాధారణంగా సూర్పణక పాత్రను కేవలం ఒక సంఘటనతోనే గుర్తించి నెగటివ్ గా చూస్తారని రకుల్ అన్నారు. కానీ నితీష్ తివారి మాత్రం ఈ పాత్రను పూర్తి స్థాయి మానవ నైజంతో, లోతైన భావోద్వేగాలతో డిజైన్ చేశారని ఆమె వెల్లడించారు. దాంతో పాత్రకు మంచి స్కోప్ ఉండటంతో వెంటనే ఒప్పుకున్నానని చెప్పారు.

ప్రేక్షకులు కూడా ముందస్తు అభిప్రాయాలు వదిలి ఈ పాత్రను ఓపెన్ మైండ్ తో చూస్తే బాగుంటుందని ఆమె అభిప్రాయపడ్డారు.

రామాయణ చిత్రం రెండు భాగాలుగా రూపొందుతోంది. భారీ బడ్జెట్, అగ్రశ్రేణి తారాగణం, అత్యాధునిక సాంకేతికతతో ఇది తెరకెక్కుతోంది. మొదటి భాగం 'రామాయణ పార్ట్ 1'ను 2026 దివాళకు ప్రపంచవ్యాప్తంగా విడుదల చేయనున్నారు.