రామ మందిరం విరాళాల దొంగతనం: నిందితుల ఒప్పుకోలు, కోట్ల రూపాయల చోరీ వెలుగులోకి

అయోధ్య రామ మందిరం విరాళాల చోరీ కేసులో నిందితులు కోట్లలో దొంగతనం చేసినట్లు ఒప్పుకున్నారని దర్యాప్తు వెల్లడించింది. ప్రధాన నిందితుడు అవినాష్ మిశ్రాను రెండు గంటల పాటు విచారించగా, మాజీ ట్రస్టీ అనిల్ మిశ్రా, ఛంపత్ రాయ్ మాజీ డ్రైవర్ టిన్ను యాదవ్ పేర్లు తెరపైకి వచ్చాయి. విరాళాల నగదు లెక్కింపు గది తాళాలు బ్యాంకు అధికారులు, ట్రస్టు ఉద్యోగుల వద్ద ఉండేవని, వారి కుమ్మక్కుతోనే ఈ చోరీ సాగిందని నిందితులు అంగీకరించారు.

దొంగతనానికి ఒక వ్యక్తి నగదు తస్కరించగా, మిగతా వారు మానవ కవచంగా నిలిచేవారని, సీసీటీవీ బ్లైండ్ స్పాట్లను ఉపయోగించుకున్నారని విచారణలో వెల్లడైంది. నగదును బాత్రూమ్లో దాచి, ఆ తర్వాత బయటకు తరలించేవారని నిందితులు తెలిపారు. బ్యాంకు అధికారులు కూడా దొంగతనం చేసిన మొత్తంలో వాటా తీసుకున్నారు. అరెస్టైన ఎనిమిది మందిలో ఆర్గు అవుట్‌సోర్సింగ్ ఉద్యోగులు, ఒకరు ఛంపత్ రాయ్ మాజీ డ్రైవర్ కాగా, మరొకరు ఇతర ట్రస్ట్ సభ్యుల సన్నిహితుడు. నెలకు రూ.12,000–15,000 వరకు మాత్రమే ఆదాయం ఉన్న ఈ ఉద్యోగులు పెద్ద ఇళ్లు, విలాసవంతమైన కార్లు, మొబైల్ ఫోన్లు, వాషింగ్ మెషీన్లు వంటి వస్తువులు కొనుగోలు చేశారు. దొంగిలించిన డబ్బుతో ఆస్తులు సంపాదించినట్లు నిందితులు అంగీకరించారు.

ట్రస్ట్లో అనిల్ మిశ్రాకు 100 మందికి పైగా బంధువులు, సన్నిహితులు ఉన్నట్లు తెలిసింది. దీంతో ట్రస్ట్ సమావేశాల్లో అతని మాటకు ప్రాధాన్యత ఉండేది. ప్రస్తుతం సిట్ దర్యాప్తు కొనసాగిస్తోంది, త్వరలోనే ముఖ్యమంత్రి యోగి ఆదిత్యనాథ్‌కు తుది నివేదిక సమర్పించే అవకాశం ఉంది. కేసులో మరికొందరు పెద్దమనుషుల ప్రమేయం వెలుగుచూసే అవకాశం ఉందని పోలీసు వర్గాలు పేర్కొంటున్నాయి.