రామాయణ సినిమా ప్రపంచవ్యాప్తంగా 59,000 స్క్రీన్లతో నవంబర్ 6న విడుదల

నితీష్ తివారి దర్శకత్వంలో రూపొందుతున్న రామాయణ చిత్రం నవంబర్ 6న ప్రపంచవ్యాప్తంగా 59,000 స్క్రీన్లలో విడుదల కాబోతోంది. ఇందులో రణ్బీర్ కపూర్ రాముడిగా, సాయి పల్లవి సీతగా, యష్ రావణుడిగా, సన్నీ డియోల్ హనుమంతుడిగా నటిస్తున్నారు.

ఇండియాలో మాత్రం రెండు రోజుల ఆలస్యంగా నవంబర్ 8న ఈ చిత్రం విడుదల కానుంది. ఈ ఎపిక్ డ్రామాను 40కి పైగా భాషల్లో గ్లోబల్‌గా రిలీజ్ చేసేందుకు నిర్మాత నమిత్ మల్హోత్రా సన్నాహాలు చేస్తున్నారు. వివిధ భాషల్లో సహజత్వం కోసం ఏఐ ఆధారిత లిప్ సింక్ సాంకేతికతను ఉపయోగిస్తున్నారు.

అంతర్జాతీయ డిస్ట్రిబ్యూషన్‌కు సోనీ పిక్చర్స్‌తో ఒప్పందం కుదిరింది. ఓవర్సీస్‌లో 50,000 స్క్రీన్లతో రిలీజ్ చేయాలని లక్ష్యంగా పెట్టుకున్నారు. ఇప్పటివరకు పుష్ప 2 13,000 స్క్రీన్లలో విడుదలై భారతీయ చిత్రాల్లో రికార్డు సృష్టించింది. హాలీవుడ్‌లో అవతార్ 2 52,000 స్క్రీన్లకు పరిమితమైంది. ఈ లెక్కన రామాయణ స్క్రీన్ కౌంట్‌లో సరికొత్త మైలురాయిని సృష్టించనుంది.