రామోజీరావు 90వ జయంతి: జలవిహార్‌లో 3 కి.మీ ట్రిబ్యూట్ వాక్

రామోజీరావు 90వ జయంతి సందర్భంగా హైదరాబాద్ నక్లెస్ రోడ్డు జలవిహార్ వద్ద 3 కిలోమీటర్ల ట్రిబ్యూట్ వాక్ నిర్వహించారు. పద్మ విభూషణ్ రామోజీరావు జయంతిని పురస్కరించుకొని ఈ వాక్‌ను ఏర్పాటు చేశారు.

రామోజీ గ్రూప్ CMD కిరణ్, మార్గదర్శి MD శైలజా కిరణ్ జెండా ఊపి వాక్‌ను ప్రారంభించారు. వేలాది మంది మార్గదర్శి ఉద్యోగులు, సంస్థ అధినేతలు కలిసి నడిచారు. దారి పొడవున "రామోజీ అమర్ రహే" అంటూ నినాదాలు చేశారు.

ఈ వాక్ ద్వారా రామోజీరావుకు ఘనమైన నివాళి అర్పిస్తున్నట్లు CMD కిరణ్ తెలిపారు. ఆయన ఆశయాలను పాటిస్తూ ప్రజా శ్రేయస్సు కోసం కృషి చేస్తున్నట్లు శైలజా కిరణ్ చెప్పారు.

రామోజీ జయంతి సందర్భంగా నవంబర్ 16న విజయవాడలో రామోజీ ఎక్సలెన్స్ అవార్డులు అందజేయనున్నారు. సమాజ శ్రేయస్సు కోసం పని చేసే వారికి ఈ అవార్డులు ఇస్తారు. ఈ అవార్డులను కేంద్ర హోమ్ మినిస్టర్ అమిత్ షా, ముఖ్యమంత్రి చంద్రబాబు నాయుడు, పవన్ కళ్యాణ్, గవర్నర్ అందజేయనున్నట్లు శైలజా కిరణ్ తెలిపారు.

సంస్థ ఆంధ్రప్రదేశ్, తెలంగాణ, తమిళనాడు, కర్ణాటకల్లో కలిపి 136 బ్రాంచ్‌లను నిర్వహిస్తోంది. ఈ బ్రాంచ్‌ల్లో కొన్ని చోట్ల బైక్ ర్యాలీలు, మరికొన్ని చోట్ల వాక్‌లు చేశారు. విశాఖపట్నం రామకృష్ణ బీచ్‌లోనూ స్థానిక బ్రాంచ్ ఉద్యోగులు వాక్ నిర్వహించారు.