కర్ణాటకలో జ్యువెలరీ షాప్ నుంచి ₹10 లక్షల బంగారం దొంగతనం చేసిన ఎలుక

కర్ణాటకలోని ఒక జ్యువెలరీ షాప్ లో ఎలుక బంగారు నగలు దొంగిలించిన వింత ఘటన వెలుగులోకి వచ్చింది. షాప్ సిబ్బంది తెల్లవారుజామున స్టాక్ సరిచూసుకుంటూ 10 ఉంగరాలు, గొలుసులు మాయమై ఉండడాన్ని గమనించారు. వీటి విలువ ₹10 లక్షల వరకు ఉంటుంది.

షాప్ లోని సీసీటీవీ ఫుటేజ్ పరిశీలించగా, ఉదయం 4:30 గంటల సమయంలో ఓ ఎలుక కౌంటర్ పై నుంచి ఒక్కో ఉంగరాన్ని నోట కరుచుకొని తీసుకెళ్తున్నట్లు చిత్రం కనిపించింది. నగలతో పాటు వాటి బార్‌కోడ్ ట్యాగ్‌లు కూడా ఎలుక తీసుకెళ్లడంతో అనుమానం మొదలైంది.

షాప్ లో ఉన్న ఎలుక కలుగును గుర్తించి, సుత్తి, పారలతో తవ్వగా అన్ని నగలు, ట్యాగ్‌లు ఒక్కటి కూడా తగ్గకుండా దొరికాయి. ఎలుకపై పోలీసులకు ఫిర్యాదు చేసినట్లు స్పష్టత లేదు. ఈ సీసీటీవీ వీడియో ప్రస్తుతం సోషల్ మీడియాలో వైరల్ అవుతోంది.