రవితేజ 'ఇరుముడి' భక్తి చిత్రం కాదు: శివ నిర్వాణ వివరణ

నటుడు రవితేజ హీరోగా, శివ నిర్వాణ దర్శకత్వంలో రూపొందుతున్న చిత్రం 'ఇరుముడి'. ఈ చిత్రం భక్తి నేపథ్యంలో రూపొందుతున్నప్పటికీ, ఇది కేవలం భక్తి చిత్రం కాదని దర్శకుడు శివ నిర్వాణ స్పష్టం చేశారు.

తాజాగా కథ గురించి మాట్లాడిన ఆయన, 'ఇరుముడు'లో అయ్యప్ప దీక్ష (41 రోజులు) ప్రధానంగా ఉంటుందని, అయితే ఇది సబరిమల యాత్ర లేదా అయ్యప్ప స్వామి దర్శనాన్ని ప్రధానంగా చూపించే భక్తి సినిమా కాదని తెలిపారు.

దీక్షకు ముందు హీరో జీవితంలో జరిగిన సంఘటనలు, దీక్ష సమయంలో ఎదురైన పరిణామాలు, ఊహించని మలుపులు ఈ కథలో ఆసక్తికరంగా సాగుతాయని ఆయన వివరించారు.

ఈ చిత్రం ప్రారంభంలో ఫ్యామిలీ డ్రామాగా సాగి, క్రమంగా క్రైమ్ మిస్టరీ థ్రిల్లర్‌గా మారుతుందని, చివర్లో హృదయాన్ని హత్తుకునే భావోద్వేగాలు ఉంటాయని శివ నిర్వాణ పేర్కొన్నారు.