బోయింగ్ వాణిజ్య విమానాల విభాగంలో 5 శాతం ఉద్యోగుల తొలగింపు

అమెరికాకు చెందిన విమాన తయారీ సంస్థ బోయింగ్ తన వాణిజ్య విమానాల విభాగంలో 5 శాతం ఉద్యోగులను తొలగించాలని నిర్ణయించింది. ఈ విభాగాధిపతి స్టెఫానీ పోప్ సిబ్బందికి అంతర్గత మెమో పంపి వివరాలు తెలిపారు.

737 MAX విమానాల ఉత్పత్తిని పెంచడంలో ఆశించిన పురోగతి రాలేదు. విమాన రెక్కల తయారీలో జాప్యం వల్ల విమానాల ఉత్పత్తి నెమ్మదించింది. దీంతో అవసరానికి మించి సిబ్బంది ఉన్నారని స్టెఫానీ పోప్ మెమోలో పేర్కొన్నారు. ఈ నేపథ్యంలోనే సుమారు 5 శాతం ఉద్యోగులను తగ్గించాలని నిర్ణయించినట్లు ఆయన వివరించారు.

తొలగింపుకు సంబంధించిన నోటిఫికేషన్లు డిసెంబర్‌లో ఉద్యోగులకు అందుతాయని మెమో తెలిపింది. కంపెనీ ప్రస్తుతం నెలకు సుమారు 47 విమానాలను తయారు చేసేందుకు ప్రయత్నిస్తోంది. 2027 ద్వితీయార్థంలో నెలకు 52 విమానాల ఉత్పత్తిని లక్ష్యంగా పెట్టుకుంది.

ఉత్పత్తిని 2027 ద్వితీయార్థం వరకు పెంచే అవకాశం లేదని బోయింగ్ CEO గత నెల పెట్టుబడిదారులకు తెలిపారు. అటు ఆస్ట్రేలియా విమానయాన సంస్థ Qantas Airways కూడా 850 మంది ఉద్యోగులను తొలగించనున్నట్లు ప్రకటించింది.