ముద్రగడ అంత్యక్రియల వివాదం: కిర్లంపూడి పోలీస్ స్టేషన్‌లో అంబటి రాంబాబు విచారణ

కాకినాడ జిల్లా కిర్లంపూడి పోలీస్ స్టేషన్‌లో YSRCP నేత, మాజీ మంత్రి అంబటి రాంబాబు విచారణకు హాజరయ్యారు. కాపు ఉద్యమ నేత ముద్రగడ పద్మనాభం అంత్యక్రియల సమయంలో పోలీసుల విధులకు ఆటంకం కలిగించారనే ఆరోపణపై కిర్లంపూడి పోలీసులు ఆయనపై కేసు నమోదు చేశారు.

ఈ కేసులో విచారణకు హాజరుకావాలని పోలీసులు గతంలో రెండుసార్లు ఆయనను కోరారు. ఆ రెండుసార్లూ ఆయన హాజరుకాలేదు. కొంత అనారోగ్యం ఉండటంతో రాలేకపోయానని ఆయన తెలిపినట్టు సమాచారం.

విచారణకు వెళ్లే ముందు ఆయన కిర్లంపూడిలోని ముద్రగడ నివాసానికి వెళ్లారు. అక్కడ సమాధి వద్ద నివాళులు అర్పించారు. ఆయన వెంట YSRCP నాయకులు, కార్యకర్తలు పెద్ద సంఖ్యలో చేరుకున్నారు. ఆ తర్వాత ఆయన పోలీస్ స్టేషన్‌కు చేరుకున్నారు.

guard of honour కార్యక్రమం సమయంలో ఎందుకు ఆ విధంగా ప్రవర్తించారు, పోలీసులతో ఎలా వ్యవహరించారు అనే అంశాలపై పోలీసులు విచారణ చేపట్టారు. ఈ కేసులో Section 41 నోటీస్ ఇస్తారా, మరో చర్య తీసుకుంటారా అనేది విచారణ అనంతరం స్పష్టమవుతుంది.