ఖమ్మం కల్లూరులో పదో తరగతి విద్యార్థి మృతి.. విషం కలిపిన పానీయం ఇచ్చినట్టు ఆరోపణ

ఖమ్మం జిల్లా కల్లూరు మండలంలోని ఒక గ్రామంలో పదో తరగతి చదువుతున్న విద్యార్థి మృతి చెందాడు. ఊరి బయటకు తీసుకెళ్లి కూల్ డ్రింక్‌లో కలుపు మందు కలిపి ఇచ్చినట్టు పోలీసులకు ఫిర్యాదు అందింది.

గత నెల 24న విద్యార్థిని ఊరి బయటకు తీసుకెళ్లారు. కలుపు మందు కలిపిన కూల్ డ్రింక్ తాగించారు. విష ప్రభావంతో ఆరోగ్యం క్షీణించడంతో 25న ఖమ్మం ప్రభుత్వ ఆస్పత్రికి తరలించారు. చికిత్స పొందుతూ నెల 8వ తేదీన విద్యార్థి మృతి చెందాడు.

తన గురించి ఇతరులకు చెబుతాడన్న అనుమానంతో ఈ ఘటన జరిగినట్టు ఫిర్యాదులో పేర్కొన్నారు. ఈ కేసులో ఒక మహిళను, మరో మైనర్ బాలుడిని అదుపులోకి తీసుకున్నట్టు పోలీసులు తెలిపారు.

కల్లూరు పోలీసులు కేసు నమోదు చేసి దర్యాప్తు చేపట్టారు. నిందితులను అరెస్టు చేసి రిమాండ్‌కు తరలించారు. మహిళను సత్పల్లి కోర్టులో హాజరుపరిచారు. మైనర్ బాలుడిని జువైనల్ కోర్టు ద్వారా స్టేట్ హోమ్‌కు తరలించారు.