పవన్ కళ్యాణ్, అన్నా లెజ్నేవా 13 ఏళ్ల వైవాహిక బంధానికి ముగింపు

ఆంధ్రప్రదేశ్ డిప్యూటీ సీఎం, నటుడు పవన్ కళ్యాణ్, ఆయన భార్య అన్నా లెజ్నేవా తమ 13 ఏళ్ల వైవాహిక బంధానికి ముగింపు పలుకుతున్నట్లు ఉమ్మడి ప్రకటన విడుదల చేశారు.

స్నేహితులు, శ్రేయోభిలాషులను ఉద్దేశించి ఇద్దరూ కలిసి ఈ లేఖ రాశారు. పరస్పర అవగాహన, గౌరవంతో ఇక నుంచి వేరుగా ఉండాలని నిర్ణయించుకున్నట్లు పేర్కొన్నారు.

విడిపోయినా మంచి స్నేహితులుగానే కొనసాగుతామని లేఖలో తెలిపారు. పిల్లల సంతోషం, బాగోగులు చూసుకునే బాధ్యతాయుతమైన తల్లిదండ్రులుగా ఉంటామని పేర్కొన్నారు. తమ వ్యక్తిగత జీవితంలోని ఈ మార్పును అర్థం చేసుకుని గోప్యతను గౌరవించాలని కోరారు. ఈ ప్రయాణంలో అండగా నిలిచిన వారందరికీ ధన్యవాదాలు తెలిపారు.

అన్నా లెజ్నేవా రష్యన్ మోడల్, నటి. సెప్టెంబర్ 30, 2013న వీరి వివాహం జరిగింది. వీరికి పొలెనా అంజనా పవనోవా, మార్క్ శంకర్ పవనోవిచ్ అనే ఇద్దరు పిల్లలు ఉన్నారు.

ఇంతకుముందు 1997లో విశాఖపట్నానికి చెందిన నందినితో పవన్ కళ్యాణ్ వివాహం జరిగింది. 2008లో వారు విడాకులు తీసుకున్నారు. 2009లో సహనటి రేణు దేసాయిని ఆయన వివాహం చేసుకున్నారు. 2012లో వారు విడిపోయారు.