చిన్న నోట్లకు ప్లాస్టిక్ ముఖం: పైలట్ ప్రాజెక్టుతో ప్రయోగం చేయనున్న ఆర్బీఐ

దేశంలో 10, 20, 50 రూపాయల నోట్లు త్వరగా పాడైపోతుండటంతో ప్లాస్టిక్ లేదా పాలిమర్ నోట్లను తీసుకురావాలని RBI పరిశీలిస్తోంది.

పాలిమర్ నోట్లు సాధారణ కాగితం నోట్ల కంటే 2.5 నుంచి 4 రెట్లు ఎక్కువ మన్నికగా ఉంటాయని నిపుణులు చెబుతున్నారు. వీటిపై నీటి ప్రభావం ఉండదు, చిరిగిపోవు, మురికి పట్టదు. రీసైక్లింగ్ కూడా సులువు. అత్యాధునిక సెక్యూరిటీ ఫీచర్లైన పారదర్శక విండోలు, హోలోగ్రాములు, మైక్రో ప్రింటింగ్తో నకిలీ కరెన్సీ తయారీ కష్టమని నిపుణులు వివరిస్తున్నారు.

ప్రపంచంలో ఆస్ట్రేలియా, కెనడా, సింగపూర్, న్యూజిలాండ్ సహా పలు దేశాలు పాలిమర్ నోట్లను విజయవంతంగా అమలు చేశాయి. ఆ దేశాల అనుభవం ఖర్చు తగ్గింపు, నకిలీల నియంత్రణలో ప్రయోజనకరంగా ఉన్నట్లు గుర్తించింది.

భారత్లో మొదట 10, 20 రూపాయల నోట్లతో కొన్ని ఎంపిక ప్రాంతాల్లో పరిమిత సంఖ్యలో పైలట్ ప్రాజెక్టు ప్రారంభించే అవకాశం ఉంది. ఏప్రిల్ నుంచి ఈ కొత్త నోట్లు అందుబాటులోకి రావచ్చని సమాచారం. పైలట్ విజయవంతమైతే భవిష్యత్తులో ఇతర విలువల నోట్లను కూడా ప్లాస్టిక్ రూపంలో తీసుకురావడాన్ని పరిశీలించే అవకాశం ఉంది.