IPL 2026 ఫైనల్‌లో GT పై RCB ఘన విజయం - వరుసగా రెండోసారి చాంపియన్

రాయల్ ఛాలెంజర్స్ బెంగళూరు (RCB) వరుసగా రెండోసారి IPL కప్పు సాధించింది. అహ్మదాబాద్‌లో జరిగిన IPL 2026 ఫైనల్‌లో గుజరాత్ టైటాన్స్ (GT) ని ఓడించి RCB మళ్ళీ చాంపియన్ అయింది.

టాస్ గెలిచిన RCB బౌలింగ్ ఎంచుకుంది. GT బ్యాటింగ్ చేపట్టిన తర్వాత RCB బౌలర్లు టాప్ థ్రీని 50 పరుగుల లోపే పెవిలియన్‌కి పంపించారు. వాషింగ్టన్ సుందర్ ఒక్కడే హాఫ్ సెంచరీ చేయగలిగాడు. GT మొత్తం 155 పరుగులు మాత్రమే చేయగలిగింది.

155 పరుగుల లక్ష్యాన్ని ఛేదించేందుకు బరిలోకి దిగిన RCB మధ్యలో కొన్ని వికెట్లు పోగొట్టుకున్నా విరాట్ కోహ్లీ ఒక చివర నిలబడ్డాడు. కోహ్లీ కేవలం 42 బంతుల్లో 9 ఫోర్లు మరియు 3 సిక్సర్లతో 75 పరుగులు చేసి జట్టుని గెలిపించాడు. 2 ఓవర్లు మిగిలి ఉండగానే RCB విజయం సాధించింది.

ఈ సీజన్‌లో RCB మొదటి మ్యాచ్ నుంచి చివరివరకు కన్సిస్టెన్సీగా ఆడింది. గ్రూప్ రౌండ్‌లో టేబుల్ టాప్ అయి ప్లే ఆఫ్స్‌లో కూడా అద్భుతంగా ఆడింది. ఈసారి ఫైనల్‌లో జరిగిన మ్యాచ్‌లో అహ్మదాబాద్ స్టేడియంలో సుమారు 80 శాతం RCB అభిమానులు తరలివచ్చారు.

2025 తర్వాత 2026లో కూడా చాంపియన్ అయిన RCB ఇప్పుడు డిఫెండింగ్ చాంపియన్‌గా మరోసారి కిరీటం నిలుపుకుంది. బెంగళూరు మాత్రమే కాకుండా యావత్ భారతదేశంలో RCB అభిమానులు ఈ విజయాన్ని సంబరాలతో జరుపుకుంటున్నారు.