రాత్రిపూట సూర్యకాంతి: అంతరిక్ష అద్దాల ప్రయోగానికి రిఫ్లెక్ట్ ఆర్బిటాల్ సిద్ధం

రాత్రిపూట కూడా సూర్యకాంతిని అందించాలని అమెరికాలోని కాలిఫోర్నియా స్టార్టప్ కంపెనీ రిఫ్లెక్ట్ ఆర్బిటాల్ ప్రణాళిక వేసింది. ఇందుకోసం అంతరిక్షంలో పెద్ద అద్దాలను ఏర్పాటు చేయాలని కంపెనీ భావిస్తోంది.

ఈ అద్దాలను రాకెట్ ద్వారా అంతరిక్షంలోకి పంపుతారు. భూమికి ఆవలి వైపు ఉన్న సూర్యకాంతిని అవి పరావర్తనం చేస్తాయి. ఆ కాంతి రాత్రి వేళ భూమిపై ఒక ప్రాంతంపై పడుతుంది. దూరం నుంచి టార్చ్ లైట్ వేసినట్టు ఆ ప్రాంతం వెలుగుతో కనిపిస్తుంది.

ఈ ప్రయోగం కోసం భారతీయ రాకెట్ స్టార్టప్ స్కైరూట్ ఏరోస్పేస్‌తో రిఫ్లెక్ట్ ఆర్బిటాల్ ఒప్పందం కుదుర్చుకుంది. రెండు రాకెట్ ప్రయోగాల ద్వారా ఈ అద్దాల సాంకేతికతను పరీక్షించనున్నారు.

సోలార్ ప్యానెల్స్ రాత్రిపూట విద్యుత్ ఉత్పత్తి చేయలేవని కంపెనీ చెప్తోంది. అందుకే రాత్రి సమయంలో కూడా సూర్యకాంతిని అందించాలన్నది కంపెనీ లక్ష్యం. అంతరిక్షం నుంచి కాంతిని పంపితే అర్ధరాత్రి కూడా సోలార్ విద్యుత్ ఉత్పత్తి చేసుకోవచ్చని కంపెనీ వివరిస్తోంది.

ఈ ప్రణాళిక ఇప్పటికీ పరీక్ష దశలోనే ఉంది. రెండు ప్రయోగాల ఫలితాల ఆధారంగా ఈ సాంకేతికత ఎంతవరకు పనిచేస్తుందో తేలుతుంది.