అమెరికాలో 23% విద్యార్థులు పాఠశాలకు దీర్ఘకాలికంగా గైర్హాజరు

అమెరికాలో దాదాపు 23 శాతం మంది విద్యార్థులు పాఠశాలకు క్రమం తప్పకుండా గైర్హాజరవుతున్నారు. తాజా నివేదికల్లో ఈ విషయం వెల్లడైంది. ఏడాదిలో 10 శాతం కంటే ఎక్కువ రోజులు పాఠశాలకు రాకపోతే దాన్ని దీర్ఘకాలిక గైర్హాజరుగా పరిగణిస్తారు.

కరోనా సమయంలో విద్యార్థులు ఇంటి నుంచే ఆన్లైన్ తరగతులు, పరీక్షలు పూర్తి చేశారు. కరోనా ముగిసి నాలుగేళ్లు గడిచినా చాలా మంది విద్యార్థులు ఇంట్లోనే ఉండేందుకే ఇష్టపడుతున్నారు. దీంతో పాఠశాలలకు దూరంగా ఉంటున్నారు.

2022లో ఈ గైర్హాజరు శాతం 28 శాతం దాటింది. ఇప్పుడు కొంత తగ్గి 23 శాతానికి చేరింది. అయినా ఇంకా పావు వంతు విద్యార్థులు పాఠశాలకు రావడం లేదని నివేదిక పేర్కొంది. నిపుణులు ఈ ధోరణి ప్రమాదకరంగా మారుతోందని హెచ్చరించారు.