సీఎం రేవంత్ రెడ్డి నేడు ఉర్కొండపేట ఆంజనేయస్వామి ఆలయ సందర్శన, అభివృద్ధి పనులకు శంకుస్థాపన

తెలంగాణ ముఖ్యమంత్రి రేవంత్ రెడ్డి నేడు నాగర్‌కర్నూల్ జిల్లా ఉర్కొండపేట శ్రీ ఆంజనేయ స్వామి ఆలయాన్ని సందర్శించనున్నారు. ఆలయంలో అభివృద్ధి పనులకు శంకుస్థాపన చేయనున్నారు.

సీఎం పర్యటనకు ముందస్తు ఏర్పాట్లలో భాగంగా, జిల్లా కలెక్టర్ హేమంత్ కేశవ్ పటేల్, ఎస్పీ సంగ్రామ్ సింగ్ గణ ప్రతాప్‌లు పలు అధికారులతో కలిసి ఆలయ ప్రాంగణంలో భద్రతా ఏర్పాట్లను పరిశీలించారు.

ముఖ్యమంత్రి ప్రయాణించే మార్గాలు, సభా వేదిక, ప్రజల రాకపోకలు, వాహనాల పార్కింగ్, కాన్వాయ్ ప్రయాణ మార్గం, భద్రతా పాయింట్లను స్వయంగా తనిఖీ చేశారు. ట్రాఫిక్ నియంత్రణ, అత్యవసర వైద్య సేవలు, అగ్నిమాపక సన్నద్ధత, విద్యుత్ సరఫరా, తాగునీరు, పారిశుద్ధం, కమ్యూనికేషన్ వ్యవస్థ, ప్రజల రద్దీ నియంత్రణ వంటి అంశాలపై సమీక్షించి అధికారులకు స్పష్టమైన ఆదేశాలు జారీ చేశారు.