60 కేజీ బాక్సింగ్‌లో భారత యువ సంచలనం సచిన్ సివాచ్‌కు స్వర్ణం

భారత బాక్సర్ సచిన్ సివాచ్ 60 కేజీల విభాగంలో స్వర్ణ పతకం సాధించారు. ఈ విజయంతో సంతోషం వ్యక్తం చేసిన ఆయన, ఇప్పటి వరకు ఉన్న అన్ని ఆందోళనలు తీరిపోయాయని తెలిపారు. పతకం కోసం తాము పూర్తి విశ్వాసంతో బరిలోకి దిగామని, అయితే కొంతమంది సహచర బాక్సర్లు నిరాశపరిచినా, రాబోయే ఆసియా క్రీడల్లో భారత బాక్సింగ్ మరింత రాణిస్తుందన్న నమ్మకం ఉందని సచిన్ అన్నారు. 2022 తర్వాత భారత బాక్సింగ్ కఠిన పరిస్థితుల్ని ఎదుర్కొన్నా, ఈ విజయం తమ ఆత్మవిశ్వాసాన్ని పెంచిందని ఆయన వివరించారు. రెండు నెలల్లో జరగనున్న ఆసియా క్రీడల కోసం త్వరలోనే శిబిరంలో చేరనున్నట్లు వెల్లడించారు. తనకు ఇష్టమైన హర్యానా చూర్మా ఇప్పటివరకు తినలేదని, పతకం సాధించాక దాన్ని తప్పకుండా ఆస్వాదిస్తానని నవ్వుతూ చెప్పారు. ఈ పతకాన్ని తన తల్లిదండ్రులు, చాచా, కోచ్, స్నేహితులు, దేశానికి అంకితమిస్తున్నట్లు సచిన్ ప్రకటించారు.