సల్మాన్ ఖాన్ SVC63 కోసం రెమ్యునరేషన్ 70 కోట్లకు తగ్గించినట్లు సమాచారం

ప్రముఖ బాలీవుడ్ నటుడు సల్మాన్ ఖాన్ తన తదుపరి పాన్-ఇండియా చిత్రం SVC63 కోసం పారితోషకాన్ని తగ్గించుకున్నారు. దిల్రాజు నిర్మాతగా, వంశీ పైడిపల్లి దర్శకుడిగా తెరకెక్కుతున్న ఈ సినిమా కోసం ఆయన ఫిక్స్డ్ పారితోషకంగా 70 కోట్ల రూపాయలకు అంగీకరించినట్లు బాలీవుడ్ వాణిజ్య వర్గాలు చర్చిస్తున్నాయి.

గతంలో సల్మాన్ ఖాన్ వరుస హిట్లతో 120 కోట్లకు పైగా పారితోషకం తీసుకుంటూ వచ్చారు. అయితే కిసి కా భాయ్ కిసి కి జాన్, టైగర్ 3, సికందర్ వంటి చిత్రాలు ఆశించిన స్థాయిలో విజయం సాధించలేదు. దీంతో నిర్మాతలు ఆయన మార్కెట్ సామర్థ్యంపై ప్రశ్నలు లేవనెత్తుతున్నారు.

అయితే ఈ పారితోషకం తగ్గింపు కేవలం ఫ్లాప్ల వల్లే కాదని, లాభాల్లో వాటా లేదా ఇతర కమర్షియల్ షేరింగ్ మోడల్‌లో భాగంగా ఉండొచ్చని ప్రచారం ఉంది. ఇటీవల అనేక మంది స్టార్ హీరోలు ఫిక్స్డ్ రెమ్యునరేషన్ తగ్గించుకుని, సినిమా విజయం ఆధారంగా ఆదాయం పొందే ఒప్పందాలను అనుసరిస్తున్నారు.

సల్మాన్ నటించిన మాతృభూమి చిత్రం త్వరలో విడుదల కానుంది. అయితే నిజమైన పరీక్ష SVC63 తోనే ఉంటుంది. ఇది భారీ హిట్ అయితే భవిష్యత్తులో మరోసారి 100 కోట్లకు పైగా రెమ్యునరేషన్ డిమాండ్ చేసే అవకాశం ఉంటుంది. విఫలమైతే లాభాల్లో వాటా మోడల్‌కే ఎక్కువ ప్రాధాన్యం దక్కవచ్చు.

ప్రస్తుతం ప్రేక్షకులు స్టార్ పేరు కన్నా కంటెంట్‌కే ప్రాధాన్యతనిస్తున్నారు. దీంతో నిర్మాతలు హీరోలకు వారి సినిమాల మార్కెట్ వాస్తవికతకు తగిన పారితోషకమే చెల్లిస్తున్నారు. ఇది సినిమా వ్యాపారంలో కొత్త రియాలిటీగా కనిపిస్తోంది.