ఢిల్లీలో ఆగస్టు 11న సమాఖ్య చాంబర్ ఆఫ్ కామర్స్ బిజినెస్ మీట్

సమాఖ్య చాంబర్ ఆఫ్ కామర్స్ ఆధ్వర్యంలో ఆగస్టు 11న ఢిల్లీలోని ఇంటర్నేషనల్ ట్రేడ్ సెంటర్లో ఒక బిజినెస్ మీట్ నిర్వహించనున్నారు. ఈ సమావేశంలో కేంద్ర మంత్రులు, పలువురు పార్లమెంట్ సభ్యులు ముఖ్య అతిథులుగా హాజరవుతారు.

ఈ మీటింగ్ సమాఖ్య చాంబర్ ఆఫ్ కామర్స్ ను లాంఛనంగా ప్రారంభించడానికి ఏర్పాటు చేస్తున్నారు. ఈ చాంబర్ కాపు సామాజిక వర్గానికి చెందిన పారిశ్రామికవేత్తలు, వ్యాపారుల అభివృద్ధి కోసం ఏర్పాటు చేస్తున్న లాభాపేక్ష లేని సంస్థ. అక్టోబర్లో జరగనున్న గ్లోబల్ బిజినెస్ సమ్మిట్ 2026 కార్యక్రమాన్ని కూడా ఈ మీటింగ్లో ప్రకటించనున్నారు.

చాంబర్ ప్రతినిధి ఎన్.వి. రావ్ మాట్లాడుతూ, ఈ సదస్సు వ్యాపార రంగంలో కీలక మలుపు అని ఆశాభావం వ్యక్తం చేశారు. ఆడిటర్ రత్నం ఆర్థిక అవకాశాలపై చర్చించనున్నారు. వసుంధర బిల్డర్స్ అధినేత పొతినేడు రమేష్ బాబు నిర్మాణ, మౌలిక వసతుల రంగంలో అవకాశాలపై విశ్లేషణ ఇస్తారు. ఈ మీటింగ్ కు ముందు బెంగళూరు, విశాఖపట్నం, రాజమండ్రి, హైదరాబాద్ నగరాల్లో రోడ్‌షోలు నిర్వహించారు.

ఈ చాంబర్ 10 వర్టికల్స్ తో స్థిరమైన కార్యాలయం ఏర్పాటు చేసి, 3000 మంది వరకు అసోసియేట్ సభ్యులను చేర్చుకోనుంది. వెంచర్ క్యాపిటల్, ఏంజెల్ ఫండింగ్ వంటి సేవలు అందించనుంది. ఆగస్టు 11న సాయంత్రం 6:30 గంటలకు జరిగే ఈ కార్యక్రమానికి వసుంధర బిల్డర్స్ ఎల్ఎల్పి ఆతిథ్యం ఇస్తోంది. నాలుగు రాష్ట్రాలకు చెందిన వ్యాపార ప్రముఖులు హాజరవుతారు.