సమంత నటించిన 'మా ఇంటి బంగారం' OTT లోకి వస్తోంది

దాదాపు మూడేళ్ల విరామం తర్వాత సిల్వర్ స్క్రీన్ పై కనిపించిన సమంత తన తాజా చిత్రం 'మా ఇంటి బంగారం'తో సూపర్ డూపర్ హిట్ సాధించింది. నందిని రెడ్డి దర్శకత్వంలో రూపొందిన ఈ యాక్షన్ త్రిల్లర్ జూన్ 19న విడుదలైంది. మొదటి రోజే ఏకంగా 13 కోట్లకు పైగా కలెక్షన్లు రాబట్టిన ఈ చిత్రం ఆ తర్వాత కూడా బాక్స్ ఆఫీస్ వద్ద జోరు కొనసాగించింది. ఇప్పటి వరకు ఈ చిత్రానికి 73 కోట్లకు పైగా కలెక్షన్లు వచ్చినట్లు చిత్రబృందం అధికారికంగా ప్రకటించింది. అంతేకాదు, విదేశాల్లో కూడా ఈ మూవీ కలెక్షన్లు 2 మిలియన్ డాలర్లను దాటాయని చిత్రబృందం తెలిపింది. ప్రస్తుతం పోటీ చిత్రాలు లేకపోవడంతో సమంత సినిమాకు ఇంకా భారీ కలెక్షన్లు వస్తున్నాయని టాక్ ఉంది. ఈ నేపథ్యంలో 'మా ఇంటి బంగారం' చిత్రం OTT విడుదలపై సోషల్ మీడియాలో ఆసక్తికరమైన అప్డేట్ వినిపిస్తోంది. ఈ చిత్రం డిజిటల్ స్ట్రీమింగ్ హక్కులను ప్రముఖ OTT సంస్థ Jio Hotstar సొంతం చేసుకున్నట్లు తెలుస్తోంది. థియేట్రికల్ రన్ పూర్తయిన నాలుగు నుంచి ఆరు వారాల తర్వాతే సినిమాను OTT లోకి తీసుకురావాలని డీల్ కుదిరినట్లు సమాచారం. ఈ లెక్కన జూలై చివరి వారంలో లేదా ఆగస్టు మొదటి వారంలో సమంత సినిమా స్ట్రీమింగ్ కి వచ్చే అవకాశం ఉంది. Trala Pictures బ్యానర్ పై సమంత, రాజ్ నిర్మోర్, హిమాంగ్ దువ్వూరు సంయుక్తంగా ఈ చిత్రాన్ని నిర్మించారు. సుమారు 30 కోట్ల బడ్జెట్ తో తెరకెక్కిన ఈ మూవీ ఇప్పుడు 100 కోట్ల దిశగా పరుగులు పెడుతోంది.