Samsung Galaxy A27 5G లాంచ్: ధర, ఫీచర్లు పూర్తి వివరాలు

దక్షిణ కొరియా టెక్ దిగ్గజం సామ్‌సంగ్ తన సరికొత్త 'గెలాక్సీ A27 5G' స్మార్ట్‌ఫోన్‌ను విడుదల చేసింది. ఈ మిడ్-రేంజ్ ఫోన్ అత్యాధునిక ఫీచర్లతో మార్కెట్లోకి వచ్చింది. Samsung Galaxy A27 5G లో 6.7 అంగుళాల సూపర్ అమోలెడ్ డిస్ప్లే ఉంది, ఇది 120Hz రిఫ్రెష్ రేటును సపోర్ట్ చేస్తుంది. ఫోన్ ముందు, వెనుక భాగాల్లో కార్నింగ్ గొరిల్లా గ్లాస్ విక్టస్ ప్లస్ రక్షణ ఉంది. దీని మందం 7.8 మిల్లీమీటర్లు, బరువు 200 గ్రాములు. వెనుక భాగంలో ట్రిపుల్ కెమెరా సెటప్ ఉంది, ఇందులో 50 మెగాపిక్సెల్ ప్రైమరీ కెమెరా OIS సపోర్ట్‌తో ఉండగా, 5 మెగాపిక్సెల్ అల్ట్రా-వైడ్, 2 మెగాపిక్సెల్ మ్యాక్రో కెమెరాలు ఉన్నాయి. సెల్ఫీ కోసం 12 మెగాపిక్సెల్ ఫ్రంట్ కెమెరా ఇచ్చారు. పనితీరు విషయానికొస్తే, ఈ ఫోన్‌లో Qualcomm Snapdragon 63 ప్రాసెసర్ ను ఉపయోగించారు. 6GB, 8GB RAM వేరియంట్లతో పాటు 128GB ఇంటర్నల్ స్టోరేజ్ అందుబాటులో ఉంది. 5000mAh బ్యాటరీ ఇవ్వడం జరిగింది. ఈ స్మార్ట్ఫోన్ Android 16 ఆధారిత One UI 8.5 తో రన్ అవుతుంది. ఇందులో Google సర్కిల్ టు సెర్చ్, ఆబ్జెక్ట్ ఇరేజర్ వంటి AI ఫీచర్లతో పాటు Samsung Knox వాల్ట్, Tap & Pay సపోర్ట్ కలిగిన Samsung Wallet ఉన్నాయి. కంపెనీ 6 ఏళ్ల OS అప్‌డేట్లు, 6 ఏళ్ల సెక్యూరిటీ అప్‌డేట్ల హామీ ఇచ్చింది. ధరల వివరాలు: Galaxy A27 5G బేస్ వేరియంట్ (6GB+128GB) ధర ₹31,999. 8GB+128GB మోడల్ ధర ₹34,999. టాప్ వేరియంట్ 8GB+256GB ధర ₹40,499. Samsung ఈ ఫోన్‌ను రోజుకు కేవలం ₹44 చొప్పున EMI ఆప్షన్‌లో కూడా అందిస్తోంది.