వరద ప్రభావిత ప్రాంతాల్లో వెంటనే చర్యలు: మంత్రి సంధ్యారాణి ఆదేశం

వరద ప్రభావిత ప్రాంతాలపై వెంటనే చర్యలు తీసుకోవాలని గిరిజన సంక్షేమ శాఖ మంత్రి సంధ్యారాణి అధికారులను ఆదేశించారు. పార్వతీపురం మన్యం, అల్లూరి సీతారామరాజు, పోలవరం జిల్లాల్లో భారీ వర్షాలు, వరదల కారణంగా అనేక ప్రాంతాలు ప్రభావితమయ్యాయని ఆమె తెలిపారు.

రోడ్లపై చెట్లు కూలడం, విద్యుత్ అంతరాయాలు, వరద నీరు నిలవడం వంటి సమస్యలపై వెంటనే పరిష్కారం చేపట్టాలని ఆదేశించినట్లు మంత్రి వెల్లడించారు. RTC కాంప్లెక్స్‌లోకి, కొన్ని హాస్టళ్లలోకి నీరు వచ్చిందని చెప్పారు. క్షేత్ర స్థాయిలో మంత్రులు, ప్రజా ప్రతినిధులు పర్యటిస్తున్నారని తెలిపారు.

వాగులు, వంకలు పొంగుతున్న ప్రాంతాల్లో అధికారులు అప్రమత్తంగా ఉన్నారని ఆమె చెప్పారు. కోటపల్లి వద్ద ప్రమాద హెచ్చరిక స్థాయికి చేరిన వెంటనే NDRF బృందాలు రంగంలోకి దిగాయని పేర్కొన్నారు.

వరద వల్ల జరిగిన పంట నష్టాన్ని అధికారులు అంచనా వేస్తున్నారని మంత్రి తెలిపారు. నష్టం వివరాలను నివేదికగా పంపిస్తామని, ప్రజలకు అవసరమైన సహాయం అందిస్తామని ఆమె పేర్కొన్నారు.