DRDO మాజీ ఛైర్మన్ సతీష్ రెడ్డికి పట్టాభిరామ చేంజ్ మేకర్ 2026 అవార్డు

డీఆర్డీఓ మాజీ ఛైర్మన్ జి. సతీష్ రెడ్డికి ప్రతిష్టాత్మక పట్టాభిరామ చేంజ్ మేకర్ 2026 అవార్డు లభించింది. ఎంఎస్‌కే సంస్థ ఈ అవార్డును ప్రదానం చేసింది.

ఈ సందర్భంగా సతీష్ రెడ్డి మాట్లాడుతూ, ఈ అవార్డు తనకు మాత్రమే కాకుండా రాత్రింబవళ్లు కష్టపడే వేలాది రక్షణ శాస్త్రవేత్తలందరికీ దక్కిన గుర్తింపుగా భావిస్తున్నట్లు తెలిపారు. మాజీ రాష్ట్రపతి ఏపీజే అబ్దుల్ కలాం తనకు స్ఫూర్తి అని, ప్రధాని నరేంద్ర మోదీ ఇచ్చిన రహస్య మిషన్ శక్తి ప్రాజెక్టు విజయం తన జీవితంలో మరపురాని ఘట్టమని చెప్పారు.

భారత్ రక్షణ రంగంలో సాధిస్తున్న పురోగతి గురించి ఆయన మాట్లాడారు. ఏఐ, డ్రోన్ టెక్నాలజీలో యువత చాలా ముందుందని, రాబోయే రోజుల్లో ఏఐ లేని రక్షణ వ్యవస్థ ఉండదని అన్నారు. ఆపరేషన్ సింధూర్ వంటి సందర్భాల్లో కాంటాక్ట్‌లెస్ ఎయిర్ వార్ఫేర్ ప్రాముఖ్యతను వివరించారు. మేక్ ఇన్ ఇండియా కింద ప్రస్తుతం 65 నుంచి 70 శాతం రక్షణ ఉత్పత్తులు స్వదేశీంగా తయారవుతున్నాయని, వచ్చే 5-10 ఏళ్లలో ఇది 100 శాతానికి చేరుతుందని ఆశాభావం వ్యక్తం చేశారు.

యువతకు సతీష్ రెడ్డి సందేశం ఇచ్చారు. ఒక లక్ష్యాన్ని నిర్దేశించుకుని, కష్టపడి పనిచేస్తే గొప్ప వ్యక్తులుగా ఎదగడంతోపాటు దేశాన్ని గొప్ప దేశంగా తీర్చిదిద్దవచ్చని సూచించారు.