మహబూబాబాద్‌లో స్కూల్ వ్యాన్ చెరువులో పడింది.. నలుగురు విద్యార్థులకు గాయాలు

మహబూబాబాద్ జిల్లా కూరవి మండలం తీర్లాపురం గ్రామంలో ఒక స్కూల్ వ్యాన్ చెరువులోకి పడింది. ఘటన సమయంలో వ్యాన్‌లో 12 మంది విద్యార్థులు ఉన్నారు.

ఈ ఘటనలో నలుగురు విద్యార్థులకు గాయాలయ్యాయి. మిగిలిన విద్యార్థులు క్షేమంగా ఉన్నట్లు సమాచారం.

డ్రైవర్ డ్రైవింగ్ చేస్తూనే ఫోన్‌లో మాట్లాడుతుండడం వల్లే వ్యాన్ చెరువులోకి పడినట్లు తెలుస్తోంది. చెరువులో ఎక్కువ నీరు లేకపోవడంతో పెద్ద ప్రమాదం తప్పింది.

వ్యాన్‌లో చిన్న పిల్లలే ఉన్నందున ఘటన మరింత తీవ్రంగా మారే అవకాశం ఉందని తల్లిదండ్రులు ఆందోళన వ్యక్తం చేశారు. ఇలాంటి ఘటనలు మళ్లీ జరగకుండా స్కూల్ నిర్వహణ చర్యలు తీసుకోవాలని వారు డిమాండ్ చేశారు.