బోనాల పండుగకు ముస్తాబైన సికింద్రాబాద్ మహంకాళి అమ్మవారి ఆలయం

సికింద్రాబాద్‌లోని ప్రసిద్ధ మహంకాళి అమ్మవారి ఆలయం బోనాల పండుగకు ప్రత్యేక అలంకరణలతో సిద్ధమైంది. ఇతర రాష్ట్రాల నుంచి వచ్చిన కళాకారులు ఆలయ ప్రాంగణాన్ని వివిధ రకాల పూలు, ఆకులతో కళాత్మకంగా అలంకరించారు.

అమ్మవారి రూపాలను ఆకర్షణీయంగా తీర్చిదిద్దారు. ఇరుపక్కలా రెండు సింహాల ప్రతిమలు ఏర్పాటు చేశారు. బోనాల జాతరకు గుర్తుగా ఒక ప్రత్యేకమైన పైలాన్ ను కూడా ఆవిష్కరించారు. ఆలయ ఆవరణంలో ధూపాలు, పచ్చదనం మధ్య భక్తుల సందడి కనిపిస్తోంది.

ఆలయం లోపల ఉజ్జయిని మహాంకాళి అమ్మవారి విగ్రహాన్ని భక్తులు దర్శించుకోవచ్చు. ఎదురుగా మాణిక్యాల అమ్మవారి ఆలయం కూడా ఉంది. భక్తులు రెండు ఆలయాలను దర్శించుకుని బయటకు వచ్చే విధంగా ప్రవేశ-నిష్క్రమణ ఏర్పాట్లు చేశారు.