సికింద్రాబాద్ ఉజ్జయిని మహంకాళి ఆలయంలో బోనాల సంబురాలు, ఆలయ చరిత్ర

సికింద్రాబాద్‌లోని ఉజ్జయిని మహంకాళి ఆలయంలో ఆషాఢ మాసంలో బోనాల ఉత్సవాలు జరిగాయి. ప్రకృతి ఆరాధనకు ప్రతీకగా ఈ ఉత్సవం నిర్వహించబడుతుంది.

ఈ సందర్భంగా ఘటస్థాపన చేస్తారు. ఐదు కుండలలో మట్టి, నీరు, అగ్ని, వాయువు, ఆకాశం అనే పంచతత్వాలను ఆకర్షింపజేసి, వాటిని ఒకదానిపై ఒకటి పేర్చి, ఇత్తడి బద్దీలతో బిగించి, వేపమండలతో అలంకరిస్తారు. ఆ తర్వాత ఘటాన్ని ఆలయంలో స్థాపించి, బోనాల పేరుతో రెండు బిందెలు సమర్పిస్తారు. పెద్ద బిందెలో తెల్లటి అన్నం, చిన్న బిందెలో చింతపండు రసం ఉంచుతారు.

పసుపు ను శరీరానికి అలదుకుని స్నానం చేయడం ఈ మాసం లో ప్రత్యేకమైనది. మగవారు మట్టి రాసుకుని, స్త్రీలు పసుపు రాసుకుని స్నానం చేయడం వల్ల శారీరకమే కాకుండా మానసిక మాలిన్యాలు తొలగుతాయని విశ్వాసం.

ఈ ఆలయ నిర్మాణం వెనుక ఒక కథ ఉంది. స్థానిక కథనం ప్రకారం, పూర్వం కోల్‌కతాలో సైన్యంలో పనిచేసిన ఒక ఉద్యోగి తన కుటుంబాన్ని ప్లేగు, కలరా, మశూచికం వంటి వ్యాధుల నుంచి కాపాడాలని మహాకాళి అమ్మను ప్రార్థించాడు. ఆ కుటుంబానికి ఎవరికీ వ్యాధి సోకలేదు. దీంతో ఆ వ్యక్తి తిరిగి వచ్చి సికింద్రాబాద్‌లో ఈ ఆలయాన్ని నిర్మించినట్లు చెబుతారు. ఆ తర్వాతి కాలంలో ఈ ఆలయంలో బోనాల సంబురాలు మొదలయ్యాయి.