సెన్సెక్స్, నిఫ్టీ లాభాలతో ముగింపు; నిఫ్టీ 23,300 దాటి క్లోజ్

దేశీయ స్టాక్ మార్కెట్లు లాభాలతో ముగిశాయి. నిఫ్టీ 1.5 శాతం పెరిగి 23,300 పైన క్లోజ్ అయింది. సెన్సెక్స్ కూడా 1.5 శాతం లాభపడింది. బ్యాంక్ నిఫ్టీ 0.58 శాతం పైకి వెళ్లింది.

నిఫ్టీలో Bajaj Finance, Coal India, Eternal షేర్లు లాభాల్లో ఉండగా, HDFC Life, ICICI Bank, Infosys, ITC షేర్లు నష్టాల్లో ముగిశాయి.

డాలర్ తో పోలిస్తే రూపాయి విలువ 94 వద్ద ఉంది. అంతర్జాతీయ మార్కెట్లో బ్రెంట్ క్రూడ్ ధర బ్యారెల్‌కు సుమారు 108-110 డాలర్ల మధ్య ఉంది. విదేశీ ఇన్వెస్టర్లు భారత మార్కెట్లపై నమ్మకం చూపడం కూడా మార్కెట్‌కు కలిసి వచ్చింది.

మార్కెట్ లాభాలకు Reliance Q2 రిజల్ట్స్ ప్రధానంగా తోడ్పడ్డాయి. కంపెనీ నికర లాభం 40 శాతం పెరిగింది. ఆదాయం 27.8 శాతం పెరిగి ₹3,62,268 కోట్లుగా నమోదైంది. ఈ ఫలితాలతో Reliance షేర్ 7-8 శాతం పెరిగింది.

స్టాక్ మార్కెట్ అనలిస్ట్ ప్రభు మాట్లాడుతూ, నిఫ్టీ తదుపరి లక్ష్యం 23,600 అని తెలిపారు. ఆ స్థాయి దాటితే 24,500 వరకు వెళ్లే అవకాశం ఉందని ఆయన చెప్పారు. లార్జ్ క్యాప్ షేర్లు పెరుగుతున్నా, స్మాల్, మిడ్ క్యాప్ షేర్లు ఇంకా నష్టాల్లోనే ఉన్నాయని ప్రభు పేర్కొన్నారు.