పశ్చిమ గోదావరి జిల్లాలో సముద్రంలో చిక్కుకున్న ఏడుగురు మత్స్యకారులు సురక్షితం

పశ్చిమ గోదావరి జిల్లాలో సముద్రంలో చిక్కుకున్న ఏడుగురు మత్స్యకారులను అధికారులు సురక్షితంగా ఒడ్డుకు చేర్చారు.

ఐదు రోజుల క్రితం కాకినాడ హార్బర్ నుంచి ఈ మత్స్యకారులు చేపల వేటకు సముద్రంలోకి వెళ్లారు. మంగళవారం నరసాపురం మండలం వేములదీవి వెస్ట్ పరిధిలో మైనవాని లంక ఇసుక దిబ్బ సమీపంలో వారి బోటు చిక్కుకుంది.

వీరిని రక్షించేందుకు పంపిన మరో బోటుకు మరమ్మత్తులు అవసరం కావడంతో అది వెనక్కి వచ్చింది. అనంతరం పోలీసులు, రెవెన్యూ అధికారులు సహాయక చర్యలు చేపట్టారు.

ఏడుగురు మత్స్యకారులను సురక్షితంగా ఒడ్డుకు చేర్చారు. వారు అధికారులకు కృతజ్ఞతలు తెలిపారు.