షాబాద్‌లో మైనర్ బాలిక హత్య; హోలీ స్పిరిట్ స్కూల్‌లో చదివింది

రంగారెడ్డి జిల్లా షాబాద్‌లో 17 ఏళ్ల మైనర్ బాలిక హత్యకు గురైంది.

ఆ బాలిక స్థానిక హోలీ స్పిరిట్ హై స్కూల్‌లో 10వ తరగతి వరకు చదివింది. ఆమె ఇప్పుడు శంషాబాద్‌లో ఇంటర్మీడియట్ చదువుతోంది.

నిందితుడు ఆమెను బలవంతంగా బైక్‌పై ఎక్కించుకొని కాలేజీకి తీసుకెళ్లేవాడని స్థానికులు చెబుతున్నారు. నిందితుడి వేదింపులు ఎక్కువయ్యాయని వారు పేర్కొన్నారు.

ఈ ఘటనపై స్కూల్ యాజమాన్యం తీవ్ర దిగ్భ్రాంతి వ్యక్తం చేసింది. విద్యార్థులు, గ్రామస్తులు, బంధువులు నిందితుడికి కఠిన శిక్ష పడాలని కోరుతున్నారు.

బాలిక ఇంటి వెనకే ఈ స్కూల్ ఉండేది. 10వ తరగతి పూర్తి చేసిన ఏడాది లోపే ఈ హత్య జరిగినట్లు పోలీసులు తెలిపారు.