లోకేష్, అల్లు అర్జున్ చిత్రంలో షాహిద్ కపూర్?

బాలీవుడ్ నటుడు షాహిద్ కపూర్ తెలుగు చిత్రాల వైపు మొగ్గు చూపుతున్నారని నివేదికలు వస్తున్నాయి. ఇటీవల 'అర్జున్ రెడ్డి' రీమేక్ 'కబీర్ సింగ్'తో పెద్ద విజయం సాధించిన షాహిద్.. 'కాక్టైల్' సీక్వెల్‌లోనూ మెప్పించారు.

ఈ క్రమంలో, దర్శకుడు లోకేష్ కనకరాజ్ దర్శకత్వంలో అల్లు అర్జున్ నటించే చిత్రం కోసం షాహిద్ పేరు వినిపిస్తోంది. లోకేష్ చిత్రాలలో సాధారణంగా ఇద్దరు స్టార్ హీరోలు ఉంటారు — ఒకరు హీరోగా, మరొకరు విలన్‌గా. కొన్ని వర్గాల ప్రచారం ప్రకారం, ఈ చిత్రం కోసం షాహిద్ డేట్లు లాక్ చేశారని, అయితే ఇది అనధికారిక సమాచారం మాత్రమే.

గతంలో ఎన్టీఆర్ నటిస్తున్న 'డ్రాగన్' చిత్రం కోసం కూడా షాహిద్ పేరు వినిపించింది. ప్రస్తుతం నిర్మాతలు లేదా బాలీవుడ్ నటుడి టీం నుంచి ఎటువంటి అధికారిక ప్రకటనా రాలేదు.