వరంగల్ శ్రీ భద్రకాళి ఆలయంలో శాకంభరీ ఉత్సవాలు ముగిశాయి

వరంగల్‌లోని శ్రీ భద్రకాళి అమ్మవారి ఆలయంలో శాకంభరీ నవరాత్ర మహోత్సవాలు ఈ రోజు ఆషాడ శుద్ధ పౌర్ణమి సందర్భంగా ముగిశాయి. గత 15 రోజులుగా ప్రత్యేక పూజలతో ఈ ఉత్సవాలు నిర్వహించారు.

పురాణ కథనాల ప్రకారం, ఒకప్పుడు నూరేళ్ల కరువు వచ్చినప్పుడు మునులు అమ్మవారిని ప్రార్థించగా, దేవి శరీరం నుండి పండ్లు, కూరగాయలు ఉత్పత్తి చేసి ప్రజల ఆకలి దప్పులు తీర్చింది. అప్పటి నుంచి ఆమెను శాకంభరి అని పిలుస్తారు. ఈ నెల విత్తనాలు నాటే సమయం కావడంతో పంటల రక్షణ, సకల సస్యాభివృద్ధి కోసం ఈ ఉత్సవాలు చేపట్టడం ఆనవాయితీ.

భద్రకాళి అమ్మవారి సన్నిధానంలో నేడు ముగిసిన ఈ పూజలకు భక్తులు పెద్ద సంఖ్యలో హాజరై దర్శించుకున్నారు. ఆలయం భక్తులతో కళకళలాడింది.