భీమవరం మావుళ్ళమ్మ ఆలయంలో శాకంభరీ దేవి అలంకారం

భీమవరం (పశ్చిమ గోదావరి జిల్లా) లోని శ్రీ మావుళ్ళమ్మ అమ్మవారి దేవస్థానంలో ఆదివారం శాకంభరీ దేవి అలంకారం నిర్వహించారు. గ్రామదేవతగా పూజలందుకుంటున్న అమ్మవారికి ఈ ప్రత్యేక అలంకారం ప్రతి సంవత్సరం చేస్తారు.

పురాణాల ప్రకారం, దుర్గాసురుడు బ్రహ్మ నుండి వేదాలను స్వాధీనం చేసుకోవడంతో యజ్ఞాలు ఆగిపోయి కరువు రావడంతో పార్వతీ మాత భూమిపై కన్నీరు కార్చగా పుష్కలమైన వర్షాలు కురిసాయి. తదనంతరం ఆమె శాకంభరీ దేవి రూపంలో ప్రజలకు ఆహారం, నీరు అందించిందని భక్తుల విశ్వాసం. ఈ నేపథ్యంలో అమ్మవారికి శాకంభరీ అలంకారం చేస్తారు.

ఈ సందర్భంగా ఆలయంలో సహస్రనామ పారాయణ, బాలభోగం వంటి ప్రత్యేక పూజలు నిర్వహించారు. ఉదయం 5 గంటల నుంచి 12:30 వరకూ పలు కార్యక్రమాలు జరిగాయి.