2001లో షాంఘై సహకార సంస్థ ఆవిర్భావం; ఇప్పటి వరకు ఎన్ని దేశాలు చేరాయంటే?

2001, జూన్ 16న చైనా, రష్యా, కజకిస్తాన్, కిర్గిజ్స్తాన్, తజకిస్తాన్, ఉజ్బెకిస్తాన్ దేశాలు కలిసి షాంఘై సహకార సంస్థ (SCO) ను స్థాపించాయి. భద్రత, ఆర్థిక సహకారం కోసం ఏర్పడిన ఈ కూటమిలో ప్రస్తుతం పది దేశాలు పూర్తి స్థాయి సభ్యులుగా ఉన్నాయి. 2017లో భారతదేశం, పాకిస్థాన్ లు SCO లో సభ్యత్వం పొందడం ఈ సంస్థ చరిత్రలో కీలక మలుపు. తొలిసారిగా దక్షిణాసియా దేశాలు ఈ యూరేషియన్ కూటమిలో చేరాయి. ఆ తర్వాత 2023లో ఇరాన్, 2024లో బెలారస్ సభ్య దేశాలుగా చేరడంతో SCO మరింత విస్తరించింది. పశ్చిమ దేశాల ఆధిపత్యానికి ప్రత్యామ్నాయంగా పరిగణించే ఈ సంస్థలో ప్రస్తుతం ఆఫ్ఘనిస్తాన్, మంగోలియా వంటి దేశాలు అబ్జర్వర్ హోదాలో కొనసాగుతున్నాయి. భారత్ 2023లో SCO అధ్యక్ష బాధ్యతలు నిర్వహించింది. 2024 అక్టోబర్ లో పాకిస్థాన్ రాజధాని ఇస్లామాబాద్ లో SCO శిఖరాగ్ర సమావేశం జరగనుంది.