శరద్ పవార్ ఆసుపత్రి నుంచి డిశ్చార్జ్, నివాసానికి తిరుగు ప్రయాణం

ఛాతీ, శ్వాసకోశ సంబంధిత ఇన్ఫెక్షన్‌తో చికిత్స పొందుతున్న NCP (SP) అధినేత శరద్ పవార్ (85) ఆసుపత్రి నుంచి డిశ్చార్జ్ అయ్యారు. ముంబైలోని బ్రీచ్ కాండీ ఆసుపత్రిలో ఆయన మూడు రోజుల పాటు చికిత్స తీసుకున్నారు.

నవంబర్ 2న అస్వస్థతకు గురైన పవార్ తొలుత పుణేలోని రూబీ హాల్ క్లినిక్‌లో చేరారు. నవంబర్ 4న అక్కడి నుంచి డిశ్చార్జ్ అయ్యారు. మెరుగైన చికిత్స కోసం అదే రోజు బ్రీచ్ కాండీ ఆసుపత్రిలో చేరారు.

చికిత్స సమయంలో కాంగ్రెస్ నేతలు సుశీల్ కుమార్ షిండే, బాలాసాహెబ్ థోరట్, NCP నేత దిలీప్ వాల్సే పాటీల్ శుక్రవారం రాత్రి ఆయనను పరామర్శించారు. పారిశ్రామికవేత్త గౌతమ్ అదానీ, NCP నేత ప్రఫుల్ పటేల్ కూడా ఆసుపత్రికి వెళ్లి ఆరోగ్య పరిస్థితిని అడిగి తెలుసుకున్నారు.

ఆరోగ్యం కోలుకోవడంతో వైద్యులు పవార్‌ను డిశ్చార్జ్ చేశారు. అనంతరం ఆయన ఆసుపత్రికి సమీపంలో ఉన్న తన నివాసానికి వెళ్లారు.