రెండేళ్ల తర్వాత షేక్ హసీనా వర్చువల్ మీడియా సమావేశం

బంగ్లాదేశ్ మాజీ ప్రధాని షేక్ హసీనా రెండేళ్ల తర్వాత తొలిసారిగా ప్రజల ముందుకు రానున్నారు. ఈ నెల 5న ఢిల్లీలోని సర్ మార్క్ టల్లీ ఆడిటోరియం నుంచి వర్చువల్ మీడియా సమావేశం నిర్వహించనున్నారు. సాయంత్రం 6 నుంచి 7:30 గంటల వరకు జరిగే ఈ కార్యక్రమాన్ని దక్షిణాసియా కరస్పాండెంట్స్ క్లబ్ ఏర్పాటు చేసింది. క్లబ్ సోషల్ మీడియా వేదికగా ప్రత్యక్ష ప్రసారం చేయనుంది.

2024 ఆగస్టు 5న బంగ్లాదేశ్‌లో విద్యార్థి ఉద్యమం నేపథ్యంలో హసీనా ప్రధాని పదవికి రాజీనామా చేశారు. అప్పటి నుంచి ఆమె భారత్‌లో ఆశ్రయం పొందుతున్నారు. బంగ్లాదేశ్‌లో ఆమెపై పలు కేసులు నమోదయ్యాయి. డిసెంబర్‌లో ఢాకాకు తిరిగి వెళ్తానని హసీనా ఇదివరకే ప్రకటించారు.

ఈ మీడియా సమావేశంలో బంగ్లాదేశ్ రాజకీయ పరిస్థితి, తన భవిష్యత్తు ప్రణాళికలపై హసీనా మాట్లాడే అవకాశం ఉందని భావిస్తున్నారు.