బంగ్లాదేశ్ మాజీ ప్రధాని షేక్ హసీనా నేడు ఢిల్లీ నుంచి వర్చువల్‌గా మీడియాతో మాట్లాడనున్నారు

బంగ్లాదేశ్ మాజీ ప్రధాని షేక్ హసీనా రెండేళ్ల తర్వాత తొలిసారిగా మీడియాతో మాట్లాడనున్నారు. ఇవాళ సాయంత్రం 6 నుంచి 7 గంటల వరకు ఢిల్లీ నుంచి వర్చువల్‌గా ఆమె ఈ సంభాషణ నిర్వహించనున్నారు.

2023లో విద్యార్థుల నిరసనల నేపథ్యంలో ప్రధాని పదవి కోల్పోయిన హసీనా భారతదేశంలో శరణు పొందారు. గత డిసెంబర్‌లో ఆమె స్వదేశానికి తిరిగి రావాలనుకుంటున్నట్టు ప్రకటించారు. అయితే బంగ్లాదేశ్ కోర్టు ఆమెకు ఉరిశిక్ష విధించడంతో పాటు ఆమె నేతృత్వంలోని అవామీ లీగ్ పార్టీని నిషేధించి, ఆమె పాస్‌పోర్ట్ రద్దు చేసింది.

బంగ్లాదేశ్ న్యాయశాఖ మంత్రి అసజుద్దీన్, ఆమె దేశంలో అడుగు పెట్టగానే అరెస్ట్ చేస్తామని హెచ్చరించారు. ఈ నేపథ్యంలో, దక్షిణాసియా విదేశీ విలేకరుల క్లబ్ (FCC) సహకారంతో ఈ వర్చువల్ చర్చకు ఏర్పాట్లు చేశారు.

ఈ సంభాషణలో ఆమె తన రాజకీయ భవిష్యత్తు, మరణశిక్షపై అప్పీల్ వంటి అంశాలపై మాట్లాడే అవకాశం ఉంది. ప్రస్తుతం బంగ్లాదేశ్‌లో అవామీ లీగ్ కార్యకలాపాలు నిలిపివేయబడ్డాయి.