బిగ్ బాస్ ఇంట్లో లోన్లీనెస్ వల్లే ప్రేమలు చిగురిస్తాయని శేఖర్ బాషా

Bigg Boss Telugu మాజీ కంటెస్టెంట్ శేఖర్ బాషా తాజా ఇంటర్వ్యూలో బిగ్ బాస్ ఇంట్లో జరిగే ప్రేమ వ్యవహారాలపై తన అభిప్రాయాలు చెప్పారు.

ఇంట్లోకి వెళ్లిన రెండు మూడు రోజుల్లోనే విపరీతమైన ఒంటరితనం కలుగుతుందని ఆయన వివరించారు. ఫోన్, టైమ్ ఏమీ తెలియని పరిస్థితిలో ఇంట్లోని వారితోనే కాలక్షేపం చేయాల్సి రావడంతో త్వరగా బంధాలు ఏర్పడతాయి. ఆ బంధాల్ని కొందరు ప్రేమగా భావించవచ్చు, మరికొందరు స్నేహంగా లేదా సోదర బంధంగా చూడొచ్చని శేఖర్ బాషా తెలిపారు.

కొంతమంది కావాలనే ఈ అవకాశాలను క్రియేట్ చేసుకుంటారని ఆయన చెప్పారు. పృథ్వీ-విష్ణుప్రియ ఘటన ప్రస్తావిస్తూ, విష్ణుప్రియ కెమెరా ముందుకు వచ్చి పృథ్వీకి ముద్దు పెట్టడం ఉద్దేశపూర్వకమేనని, అది జెన్యూన్ ఎమోషన్ కాదని అన్నారు.

హోస్ట్ నాగార్జున గారు కేవలం సోషల్ మీడియాలో హైలైట్ అయ్యే సంఘటనల ఆధారంగా ఫీడ్‌బ్యాక్ ఇస్తారని, మొత్తం ఫుటేజీ చూడరని శేఖర్ వెల్లడించారు. 24/7 లైవ్ స్ట్రీమ్ కూడా పూర్తిగా లైవ్ కాదని, కొన్ని ఫ్రేమ్‌లు ఎడిట్ చేసి చూపిస్తారని వివరించారు. ఆరేటింగ్స్ కోసం ఎమోషనల్ లేదా కాంట్రవర్సీ ఉన్న దృశ్యాలకే ఎక్కువ ప్రాధాన్యం ఇస్తారని, ఈ విషయం అర్థం చేసుకున్న కంటెస్టెంట్లు కెమెరా ముందు యాక్ట్ చేస్తారని ఆయన అభిప్రాయపడ్డారు. ఉదాహరణగా, తన సీజన్‌లోని మణికంఠ కెమెరాతోనే ఎక్కువ మాట్లాడేవాడిని గుర్తు చేశారు.