రోడ్డు ప్రమాదం నుంచి క్షేమంగా బయటపడ్డామని శేఖర్ మాస్టర్ వెల్లడి

శేఖర్ మాస్టర్ రోడ్డు ప్రమాదం నుంచి క్షేమంగా బయటపడ్డారు. నైట్ షూటింగ్ ముగించుకుని ఉదయం ఇంటికి వెళ్తుండగా ఈ ప్రమాదం జరిగింది.

ప్రమాదం ఉదయం 5:30 నుంచి 6 గంటల మధ్య జరిగిందని ఆయన తెలిపారు. కారులో నలుగురు ఉన్నామని, వారిలో ఎవరికీ ఏం జరగలేదని చెప్పారు. కారు వెనుక భాగం పూర్తిగా నుజ్జునుజ్జు అయిందని ఆయన వివరించారు.

తాను వీడియో ద్వారా ఈ విషయాన్ని తెలియజేశారు. అయ్యప్ప దయ వల్ల అందరూ సురక్షితంగా ఉన్నామని ఆయన అన్నారు. ఘటన గురించి ఫోన్లు, మెసేజ్లు పెడుతున్న వారందరికీ కృతజ్ఞతలు తెలిపారు.

ఈరోజు రాత్రి మళ్లీ షూటింగ్ కోసం బయలుదేరుతున్నట్లు శేఖర్ మాస్టర్ తెలిపారు.