ములుగు జిల్లా వాజేడులో షార్ట్ సర్క్యూట్‌తో ఇల్లు దగ్ధం; కెమెరామన్‌కు భారీ నష్టం

ములుగు జిల్లా వాజేడు మండల కేంద్రంలో నిన్న రాత్రి షార్ట్ సర్క్యూట్ వల్ల అగ్ని ప్రమాదం సంభవించింది. ఓ ఇంటి ముందు భాగంలో మంటలు చెలరేగడంతో స్థానికులు ఇంటి యజమాని రాజుకు సమాచారం అందించారు. రాజు వెంటనే కుటుంబ సభ్యులతో కలిసి ఇంటి నుంచి బయటకు వచ్చాడు.

మంటలు భారీగా వ్యాపించడంతో ఇంట్లో ఉన్న గ్యాస్ సిలిండర్ పేలింది. దీంతో ఆ ఇల్లు పూర్తిగా దగ్ధమైంది. రాజు వృత్తిరీత్యా కెమెరామన్ కావడంతో, ఆయన వద్ద ఉన్న విలువైన కెమెరాలు, ఇంటిలోని ఇతర వస్తువులు కాలిపోయాయి.

పిల్లలను కాపాడే క్రమంలో తల్లికి స్వల్ప గాయాలయ్యాయి. ఆమెను చికిత్స కోసం ప్రభుత్వ ఆసుపత్రికి తరలించారు. స్థానికులు మంటలను ఆర్పే ప్రయత్నం చేశారు, కానీ అప్పటికే నష్టం జరిగింది.