హైదరాబాద్‌లో సాఫ్ట్‌వేర్ ఉద్యోగులు AI నైపుణ్యాలు నేర్చుకోవడంలో వేగం

హైదరాబాద్‌లో పనిచేసే సాఫ్ట్‌వేర్ ఉద్యోగులు తమ ఉద్యోగాలను కాపాడుకునేందుకు ఆర్టిఫిషియల్ ఇంటెలిజెన్స్ (AI) కోర్సులు నేర్చుకుంటున్నారు. ఇప్పటికే ఉద్యోగంలో ఉన్నవారు, కొత్తగా ఉద్యోగం కోసం ప్రయత్నిస్తున్నవారు సైతం AI నైపుణ్యాలను తప్పనిసరిగా నేర్చుకోవాల్సిన పరిస్థితి నెలకొంది.

హైదరాబాద్‌లో దాదాపు 10 లక్షల మంది సాఫ్ట్‌వేర్ రంగంలో పనిచేస్తున్నారు. టెక్నాలజీ వేగంగా మారిపోతుండటంతో AI నైపుణ్యాలకు డిమాండ్ విపరీతంగా పెరిగింది. AI ని వాడటం ద్వారా మూడు నుంచి నాలుగు గంటల పనిని కేవలం 10 నుంచి 20 నిమిషాల్లో పూర్తి చేయొచ్చని నిపుణులు చెబుతున్నారు.

పలు సంస్థలు తమ ఉద్యోగులకు AI లో అంతర్గత శిక్షణ ఇస్తుండగా, బయట కోచింగ్ సెంటర్లు కూడా పెరుగుతున్నాయి. కోర్సుల ఫీజులు రూ.6,000 నుంచి రూ.6 లక్షల వరకు ఉంటున్నాయి. ఇక ఇప్పటి నుంచే పాఠశాలల్లో విద్యార్థులకు AI పాఠాలు బోధిస్తున్నారు.

AI నైపుణ్యాలు లేనివారికి భవిష్యత్తులో ఉద్యోగ అవకాశాలు తగ్గుతాయని, ప్రస్తుతం ఉద్యోగంలో ఉన్నవారు కూడా వెనుకబడిపోయే ప్రమాదం ఉందని నిపుణులు హెచ్చరిస్తున్నారు.