విద్యాశాఖ మంత్రి అవ్వాలని, కొత్త పార్టీ పెట్టాలని లేదు: సోనాం వాంగ్చుక్

ఉద్యమకారుడు సోనాం వాంగ్చుక్ తనకు విద్యాశాఖ మంత్రి కావాలని లేదా కొత్త రాజకీయ పార్టీ పెట్టాలనే కోరిక లేదని స్పష్టం చేశారు.

తన ఉద్యమం రాజకీయ వేదిక కాదని, యువతను మేల్కొలిపే జాగృతి ఉద్యమం అని ఆయన పేర్కొన్నారు. దేశంలో జరుగుతున్న తప్పులను సరిదిద్దడానికి, ప్రత్యేకించి యువత హక్కులు పొందేలా చేయడానికి ఈ ఉద్యమం అని తెలిపారు.

మంత్రి అయినా, ప్రధాని అయినా తప్పు జరిగితే బాధ్యత వహించాలని ఆయన అభిప్రాయపడ్డారు. ఇది ఏ రాజకీయ పార్టీని ఎదుర్కోవడానికి లేదా కొత్త పార్టీ పెట్టడానికి కాదని, యువతను చైతన్యవంతం చేసే ప్రయత్నం మాత్రమే అని సోనాం వాంగ్చుక్ నొక్కి చెప్పారు.