సోనీపట్‌లో తండ్రి అంత్యక్రియలను వీడియో కాల్ లో చూసిన కుమార్తెలు

హర్యానాలోని సోనీపట్‌లో ఒక వృద్ధుడు మృతి చెందడంతో, ఆయన ముగ్గురు కుమార్తెలు అంత్యక్రియలను నేరుగా హాజరు కాకుండా వీడియో కాల్ ద్వారా చూశారు. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.

శివచరణ్ గుప్తా (65) అనే ఆ వృద్ధుడు తన కూతుళ్లను ఉన్నత చదువులు చదివించారు. ఇద్దరు కుమార్తెలు ప్రభుత్వ ఉద్యోగాలు చేస్తూ స్థిరపడ్డారు. అయితే వృద్ధాప్యంలో ఒంటరైన ఆయన ఒక వృద్ధాశ్రమంలో చేరాల్సి వచ్చింది. ఇటీవల అదే ఆశ్రమంలో శివచరణ్ గుప్తా మరణించారు.

వృద్ధాశ్రమ నిర్వాహకులు కుమార్తెలకు సమాచారం ఇచ్చినా, వారు అంత్యక్రియలకు రాలేదు. బదులుగా రూ.5,000 ఆన్‌లైన్ ద్వారా పంపించి, దహన సంస్కారాలను వీడియో కాల్‌లో చూశారు. అంత్యక్రియలు పూర్తయిన తర్వాత “అవి అయిపోతే మేము భోజనం చేస్తాం” అని కుమార్తెలు చెప్పినట్లు నిర్వాహకులు తెలిపారు. ఈ వివరాలు బయటకు రావడంతో సోషల్ మీడియాలో చర్చ జరుగుతోంది.