పీఓకే నుంచి దృష్టి మరల్చేందుకే కుల్గాం దాడి: మాజీ DGP ఎస్పీ వైద్

పాకిస్తాన్ ఆక్రమిత కాశ్మీర్ (PoK) లోని అంతర్గత అశాంతి నుంచి ప్రపంచ దృష్టిని మళ్లించేందుకే ఇటీవల జమ్మూ కాశ్మీర్‌లో జరిగిన రెండు దాడులను పాకిస్తాన్ ప్రేరేపించిందని జమ్మూ కాశ్మీర్ మాజీ DGP SP వైద్ ఆరోపించారు. ఆయన మాట్లాడుతూ, గత వారం అనంతనాగ్‌లో పోలీసు పార్టీపై జరిగిన దాడిలో హెడ్ కానిస్టేబుల్ ఆషిక్ హుస్సేన్ అమరులయ్యారు. కాగా, మంగళవారం అర్ధరాత్రి కుల్గాం జిల్లాలో ఇటుక బట్టీలో పనిచేస్తున్న ఛత్తీస్‌గఢ్‌కు చెందిన ఇద్దరు యువ కార్మికులు (24, 25 ఏళ్లు) పేరు, మతం అడిగి హత్య చేయబడ్డారు. ఈ రెండో దాడికి లష్కరే తొయిబా అనుబంధ సంస్థ TRF బాధ్యత వహించింది.

SP వైద్ ప్రకారం, PoK లో జరుగుతున్న అంతర్జాతీయ అవమానం నుంచి దృష్టి మరల్చడానికి పాకిస్తాన్ సైన్యం ఉగ్రవాద గ్రూపులకు సంకేతాలిచ్చింది. "పాకిస్తాన్ ఎప్పుడో కాశ్మీర్‌ను తమ జుగులర్ వెయిన్‌గా అభివర్ణించేది. కానీ ఆ నేరేటివ్ ఇప్పుడు ఛిన్నాభిన్నమవుతోంది. అక్కడి యువత ఉగ్రవాద సంస్థల్లో చేరడం లేదు. మిగిలిన కొన్ని గ్రూపులతో దాడులు చేయించి బయటి వ్యక్తులు, ముఖ్యంగా ముస్లిమేతర కార్మికులను టార్గెట్ చేయడం ద్వారా అభివృద్ధి ప్రక్రియను దెబ్బతీయాలని చూస్తున్నారు" అని ఆయన వివరించారు.

కాశ్మీర్‌లో హైవేలు, టన్నెళ్లు వంటి భారీ ప్రాజెక్టులు నడుస్తున్నాయని, స్థానికులు ఎక్కువగా పనిచేయరు కాబట్టి బయటి రాష్ట్రాల నుంచి వచ్చిన కార్మికులే లక్ష్యంగా ఉన్నారని ఆయన అన్నారు. అయితే, ప్రతి ఒక్క కార్మికుడికీ రక్షణ కల్పించడం సాధ్యం కాదని, పిన్ పాయింటెడ్ ఇంటెలిజెన్స్ ద్వారా మిగిలిన ఉగ్రవాదులను న్యూట్రలైజ్ చేసే ఏకైక మార్గం అని SP వైద్ సూచించారు. జమ్మూ కాశ్మీర్ పోలీసులు, భద్రతా దళాలు సమన్వయం చేసుకుని ఈ దిశగా చర్యలు తీసుకోవాలని ఆయన నొక్కి చెప్పారు.