SpaceX IPO: $135 ధర, 4% ఆఫర్; మస్క్‌కు 85% ఓటింగ్ హక్కు

SpaceX ఐపీఓ దాఖలైంది. డ్రాఫ్ట్ రెడ్ హెర్రింగ్ ప్రాస్పెక్టస్ (DRHP) ప్రకారం, ఒక్కో షేర్ ధర $135 నిర్ణయించగా, కేవలం 4% ఈక్విటీని మాత్రమే పబ్లిక్‌కు ఆఫర్ చేస్తున్నారు. సాధారణంగా పెద్ద ఐపీఓల్లో రిటైల్ ఇన్వెస్టర్లకు 10% రిజర్వేషన్ ఉంటే, ఇందులో 30% రిటైల్‌కే కేటాయించడం విశేషం. ఇలాన్ మస్క్ కంపెనీలో 42% వాటా కలిగి ఉన్నప్పటికీ, డ్యుయల్-క్లాస్ షేర్ నిర్మాణం ద్వారా 85% ఓటింగ్ హక్కును నియంత్రిస్తున్నారు. క్లాస్ A షేర్లకు ఒక వోటు, క్లాస్ B షేర్లకు 10 వోట్లు ఉంటాయి. మస్క్ 12.3% క్లాస్ A, 93% క్లాస్ B షేర్లు కలిగి ఉండటంతో ఆయనను బోర్డు నుంచి తొలగించడం దాదాపు అసాధ్యం. కాగా, మస్క్‌కు 100 కోట్ల క్లాస్ B షేర్లు బోనస్ రూపంలో వచ్చేలా ఒక విభిన్న నిబంధన ఉంది. అంగారకుడిపై కనీసం 10 లక్షల మంది నివాసితులతో శాశ్వత మానవ కాలనీ ఏర్పాటు చేస్తేనే అవి లభిస్తాయి. ఆర్థికంగా, 2026 మొదటి త్రైమాసికంలో SpaceX $4.3 బిలియన్ నష్టపోయింది. ప్రైస్-టు-సేల్స్ నిష్పత్తి 494 రెట్లు కాగా, యాపిల్ 8, ఎన్వీడియా 25 రెట్లతో పోలిస్తే ఇది చాలా ఎక్కువ. నాస్డాక్ 100 సూచీలో పెద్ద ఐపీఓలు త్వరగా చేరేలా నిబంధన మార్చారు. 90 రోజుల సమయాన్ని 15 రోజులకు తగ్గించడంతో, ఇండెక్స్ ఫండ్లు, ఈటీఎఫ్‌లు తప్పనిసరిగా SpaceX షేర్లను కొనుగోలు చేయాల్సి వస్తుంది. రెవెన్యూ పరంగా, రాకెట్ ప్రయోగాల నుంచి కేవలం 22% మాత్రమే రాగా, 61% స్టార్లింక్, 17% AI వ్యాపారం నుంచి వస్తోంది.