శ్రీరామ హృదయం కలశ యాత్ర: ఆంధ్రప్రదేశ్‌లో ఆగస్టు 13 నుండి ప్రారంభం

భక్తుల మధ్య ప్రేమ, మానవీయ విలువలు పెంపొందించే లక్ష్యంతో 'శ్రీరామ హృదయం' కార్యక్రమం ప్రారంభమైంది. శ్రీ చినజీయర్ స్వామి వారి 70వ పుట్టిన రోజు సందర్భంగా ఈ కార్యక్రమాన్ని నిర్వహిస్తున్నారు. స్వామి వారి జన్మదినం నవంబర్‌లో జరగనుంది.

ఉభయ తెలుగు రాష్ట్రాల్లో 'శ్రీరామ హృదయం' కలశ యాత్ర చేపడుతున్నారు. ఆంధ్రప్రదేశ్‌లో ఆగస్టు 13 నుండి 15 రోజుల పాటు ఈ యాత్ర కొనసాగుతుంది. నెల్లూరు నుండి ప్రారంభమైన ఈ యాత్రలో ప్రతి గ్రామాన్ని కలశం సందర్శిస్తుంది. భక్తులు ఆ కలశాలను తాకి పూజించే అవకాశం ఉంటుంది.

ఈ కలశాలతో నవంబర్‌లో స్వామి వారి అభిషేకం నిర్వహిస్తారు. ప్రతి గ్రామంలో 'శ్రీరామ హృదయ సమితి' ఏర్పాటు చేసి కార్యక్రమంలో భాగస్వాములు కావాలని నిర్వాహకులు కోరుతున్నారు.