శ్రీనిధి శెట్టి 'ఆదర్శ కుటుంబం'లో టీనేజర్ల తల్లిగా.. యంగ్ హీరోయిన్ల పాత్రల ట్రెండ్

నటి శ్రీనిధి శెట్టి తాజాగా 'ఆదర్శ కుటుంబం' సినిమాలో నటిస్తున్నారు. ఈ చిత్రంలో ఆమె నటుడు వెంకటేష్ కి జోడీగా కనిపించనున్నారు. అంతేకాకుండా టీనేజ్ పిల్లలకు తల్లి పాత్రను పోషిస్తున్నారు. ఇది ఆమె ఇప్పటివరకు చేసిన పాత్రల కంటే భిన్నమైనది. శ్రీనిధి KGF, హిట్ 3 వంటి సినిమాల్లో యంగ్ పాత్రలు చేశారు.

ఇలా వయసుకు మించిన పాత్రలు చేసిన హీరోయిన్లు మరికొందరు ఉన్నారు. రెండేళ్ల క్రితం 'లక్కీ భాస్కర్' చిత్రంలో నటి మీనాక్షి చౌదరి ఓ పిల్లాడి తల్లిగా నటించారు. నాగార్జున 'నా సామిరంగ' సినిమాలో అషికా రంగనాథ్ మిడిల్ ఏజ్ పాత్ర పోషించారు. అప్పుడు ఆమె వయసు 30 ఏళ్లలోపే.

'జర్సీ' సినిమాలో నటి శ్రద్ధా శ్రీనాథ్ తల్లిగా నటించారు. ఆ తర్వాత 'సైందవ్'లోనూ ఇదే తరహా పాత్రలో కనిపించారు. నటి మృణాల్ ఠాకూర్ 'సీతారామం' చిత్రంలో వయసుకు మించిన పాత్ర పోషించారు.